博大霧 短炒工業股連達

1. 霧鎖香江, 博大霧係最應景的炒作招數,短玩4月12日派全年成績的連達科技(889),博賺一成.

2. 連達專注為美國軍事及航空業客戶生產最高度機密及第二級機密磁性件要求之磁性件,佔營收約七成, 應不受經濟差的影響, 因此, 截至去年六月底止的半年, 毛利率上升2.6個百分點至48%. 近日,該股成交出現異動, 過去六天的成交量,係之前一個半月的總和, 股價未動,成交先行, 很大機會係春江鴨埋位.

3. 截至去年六月底止, 連達盈利倒退13.5%至3152萬元, 但卻持有現金2.93億元, 加上零負債, 其財務穩健係賣點.

4. 連達穩定派息亦頗吸引.連達在01年6月以1元招股上市, 多年來共派息48仙, 加上未曾批股及發債, 可見公司係老實做廠的工業股. 中期息已派了2.2仙,估計未期息有機會達4至5仙, 以上周五收市價1.55元計, 息率約4.5厘, 咬落算有點味道.

5. 炒呢類股一定要轉身快, 一旦唔對路, 就要趁大霧未散之時走頭.