馮國經３５億增持 利豐逢低要買

1. 利豐(494)以36%的溢價私有化姊妹公司利和(2387),交易的贏家固然係利和小股東,但最大贏家其實係利豐大股東馮國經.

2. 由於馮國經持有利和四成多股權,他在此宗交易中,不會收取利豐的現金, 而選擇收取價值約35億元的利豐股票,說穿了係施展「借艇割禾」財技, 就以借估值便宜的利和呢隻「艇」,曲線增持前景秀麗的利豐的「禾」.

3. 喺公布交易的當天(本周四),利和公布了上半年業績,盈利倒退三成多,雖然利豐以溢價三成, 即每股21元私有利和, 但以此價計算, 仍未達利和07年業績高峰期,趁利和業績和股價低迷之際吞併之, 呢單刁的timing真係恰到好處;再次印證咗財技巨人賣給你的東西, 九成九唔係好嘢,但佢哋買入的東西, 十居其九係堅料. 所以,佢曾持利豐,要follow him.

4. 利豐亦公布咗上半年業績,盈利創出歷史新高,顯示出馮國經做生意果真犀利.而利豐未來的盈利增長引擎,繼續係併購壯大.

5. 利豐明天復牌,若受壓係低吸好機會.