2011年8月8日

處變不驚 

美國國債上限上周在死線前達成共識,滿以為大市已完成調整,怎不知歐債又燒到意大利及西班牙,以及憂慮美國經濟提振乏力,歐美股市出現大插插,拖累港股周五急挫近千點.經此一大插,恒指所有防守要塞已經失陷,後市何去何從?現在是清倉離場?還是心口掛個「勇」字入市執「死雞」呢?

其實,歐美經濟和債務問題只是老生常談,大市要升或跌,總需要借口和原因.如曹仁超名言:「有智慧不如跟勢」,目前外圍風聲鶴唳,港股自然成為驚弓之鳥.不過,目前香港藍籌股的市盈率僅10倍,今年預測市盈率更低至單位數.過往出現這種情況,不會出現股災.但,紀錄總是被打破的;而歷史未必會重演的,因為「黑天鵝」已變得神出鬼沒.

2009年3月,港股仍未在雷曼兄弟爆煲中復甦,香港又出現豬流感,衛生局人員穿著較沙士更嚴密的全副武裝,封鎖灣仔酒店那一幕,實在嚇怕大部分投資者,選擇掟貨離場.但萬萬估不到,那是最壞的時候也是最好的時候,港股藉豬流感見底回升,升足九個月才歇息,最令人印象深刻的莫過於創維(751)由九角升至十元.

前事不忘,後事之師.當別人恐慌時,你要貪婪.當然,這知易難行.冇貨在手的,當然可以逢大插插之時,冒著淡友之炮火入市撈平保(2318)、Prada(1913)、AIA(1299)、濠賭股、土炮零售股、工行(1398)、中移動(941)等優質股.

有貨在手的穩健投資者,則可考慮驅劣換良.把垃圾及消息股清除,換入優質股,切忌劣股驅逐好股.

另一個應對方法是什麼也不做,不沽也不買亦不溝.因為所有問題一定有辦法解決,或者時間可沖淡一切,要信明天會更好.唔好信名嘴、專家、甚至「股神」,最重要的是唔好信香港官員的信口雌黃,要信自己.在這風雨飄搖的日子裡,無論有冇股票在手,總是要過得心安理得.

或者,暫時忘記股票吧,多些陪伴你的家人和朋友,在那裡,你找到的東西遠比現在的股市多.

祝君好運,身體安康.

30萬倉暫不作變動,靜觀其變.

31 則留言:

匿名 說...

Support!

謙仔 說...

撐、撐、撐.

KP 說...

中國信貸8207呢兩日嘅走勢真係麻麻哋!

希望遲D會否極泰來。

owen 說...

執死雞策略真係要跟謙仔,今日賭股,本地零售、prada及aia都逆市上升,超堅.

KP 說...

中國信貸(08207)半年多賺127% 不派息

http://www.hkexnews.hk/listedco/listconews/mainindex/ipmpnews.asp?id=001254852

望8207有運行!
升翻D!

匿名 說...

跌到冇晒朋友了.

匿名 說...

雖然257,595 & 8207 跌到死吓死吓,不過我依然係謙的忠實容躉!

达文西 說...

睇過不少投資網站,呢個網主的文筆及思路有點與眾不同.

匿名 說...

太好了,咁嘅走勢8207應該唔使好耐就會輕易跌破$1.00,到時又有平貨執了。

Mr. X 說...

睇嚟救護車管用一點!

匿名 說...

謙仔 ,收不收到AV有什麼料,今日勁插20%去到 0.80??

Mr. X 說...

兩隻股鬥衰!595唔見咗一半、8207唔見咗1/3,無底深潭!

輝立仔 說...

http://www.hkexnews.hk/listedco/listconews/sehk/20110811/LTN20110811665_C.pdf

輝立証券今日斬倉盤排山倒海.

匿名 說...

請問有冇料點解隻8207跌得咁樣衰?今日平均價計都跌咗唔少!

Chi Yan 說...

股死不能復生,各位節哀順變罷!

李小加 說...

不怕,只要地球未毀滅,公司未執笠,都有翻生之日.

匿名 說...

那麼就同心等吧!

Urice 說...

請問好像8207和595那樣極速下跌,一般情況下有沒有什麼原因。

多謝指教。

匿名 說...

Hello, do have faith.

KIT 說...

真係唔驚就假, 是但搵幾隻股睇, 跌左一半既比比皆是

Urice 說...

大散!醫番都殘廢。
8207,595,351,257,67.......等等愈跌愈深,真係人間慘劇呀!

KIT 說...

今次真係: 風吹雞蛋殼, 財去人安樂

Urice 說...

8207跌成咁!

唔知衰邊樣!

匿名 說...

真係乜7火都嚟埋,隻8207淨係識跌唔識升,有冇消息呢隻股會去返創業板呀?

匿名 說...

No offense but how much is left in your 300K portfolio? You might be a great stock picker in a stable market, but with a market like this, u'd better advise your readers to sit in cash and wait, rather than advise them to stick to these small cap stocks or even enlarge positions. The fundamentals of these stocks could remain solid but there will just be no sentiment.

匿名 說...

閣下的英文水平很好呀!許多港產大學畢業生簡直望塵莫及,利害!

KIT 說...

今期隻隻股都跌架啦, 又唔係得8207跌, 支持謙仔

Urice 說...

謙Sir所寫都係個人意見,至於如何投資,成績好壞應由讀者自己負責!

匿名 說...

Agree with Urice.

謙仔 說...

各位,

在此兵荒馬亂、殺錯良民的大插插市下,謙仔在本文已建議了各位三種方法去應付. 至於哪一種適合自己, 真係同檯食飯、各自修行了.

不過,你們若有更佳的避險、甚至險中求勝之道,謙仔願洗耳恭聽.

謙仔經歷過97股災、科網股爆煲,相信大家亦體驗過07年牛三之瘋癲歲月,以及08年「飛流直下三千呎,疑是銀河落九天」之險境.目前即使大插插, 甚至股災,只要深信明天會更好,錢銀可輸,信心不可失,日後大把機會賺番.

你還記得嗎? 銀河娛樂(27)幾年前只係1元;創維亦係9角;第一視頻(82)更只有6仙. 之後, 齊齊係升10倍之細價股. 願望就是明天,只要公司唔係弄虛作假以及具盈利前景的,終有一天會翻身.

願望就是明天.

zombie 說...

謙仔講得對,當基金為應付贖回潮時,一定係非理性地沽出手上貨,所以在此期間難用理性及基本因素去分析股票之真正價值,因為市場早已人為地扭曲了.

同樣道理,當股票在大牛市中喪升,亦係如此,此乃風水輪流轉,前財政司司長梁阿虫講過:有咁耐風流....., 便最應棍了.