百物騰貴 搶消費股

內地４月份ＣＰＩ（消費物價指數）按年上升２﹒８％，高於市場預期上限的２﹒７％，由分種類來看，食品與非食品類分別上漲５﹒９％及１﹒３％，顯示內地的通脹升溫．當市場上那些所謂的專家，正各顯神通地估計中央何時加息時，一於當佢哋係傻仔，最重要的指標係，通脹係孕育消費股盈利增長的溫床，預示行業好景，喺港股仍然風雨飄搖之際，一於爬上內需快車，喺跌市中賺錢．三大心水股，可逢低低吸．

春天百貨（３３１）：謙仔認為春天係百貨股中最優質，未來三年的複式盈利增長逾３０％．今日高市盈率，不足為患．

利邦（８９１）：皮幾兩皮嘢一套西裝，喺內地一樣其門如市．同胞買外國品牌貴貨係身份象徵，利邦擁有「飛甩雞毛」等超貴品牌，毛利率超過七成．有人講笑，喺內地賣高檔嘢，好過賣白粉．

華創（２９１）：既有全國最大的超市網絡，又持有喺華北最好銷的雪花啤酒，一網打盡平價消費群．