1. 一間公司的股價識唔識升，或者會唔會大升，同佢管理層團隊的學歷、人際網絡關係、性格及財技係息息相關。好似中國海澱（256）咁，公司業務質素係一流，雄霸中國四大名錶的其中兩個品牌，銷售額佔市場份額近一半，每股資產淨值高達八毫幾。係內地零售概念大炒之下，理論上股價一早就會被炒高到二至三蚊，無理由家仍然企係一蚊邊，思前想後，最大理由都係呢間公司管理層唔識向投資界推銷，所以識貨的人好少，股價自然變成大落後啦。同樣地，百麗（1880）管理層就好識推銷自已業務同埋股份，所以股價就越升越有，百麗市值已經升到九百二十幾億，同中國海澱唔夠40億市值，相差20幾倍。就係因為管理層質素同公司股價表現有好大關係.
2. 講咗咁多廢話,最終目的係建議睇實正轉型水務股的啟帆集團（646), 現價0.65元,TP睇1元, 年底前博升五成, 算係有魚有肉了. 啟帆現有管理層，好多都係來自國內著名財經大學，呢班財經大學管理層最善於玩財技，令到公司業務及股價喺好短時間，就倍倍聲咁樣上升。
3. 首先啟帆集團主席係許中平喺中國南京財經大學畢業，1996年起出任中國國際經濟文化促進會常務理事，所以識好多人，又有財經知識，屬於有知識有關係嗰批，所以佢做啟帆主席，公司一定拿到優質資產。啟帆非執行董事葛澤民就更加勁抽，佢持有中國中央財經大學金融學學位，家好多大型基金經理，都係來自呢間學府，其炒股票技術更加出神入化，之前擔任裕田中國（313）非執行董事果陣，裕田股價就由5仙起步，4個月之內，急升至70仙，累計升幅之巨不言而喻。現在，葛澤民再坐鎮啟帆，相信未來股價將會有好震撼升浪。
變身國企 憧憬注入水務
4. 去年，許中平、首創（香港）、福全投資發展及盈達國際控股就成立一間合資公司，然後收購啟帆控股權，成為啟帆大股東。當中首創（香港）就最引人注意，佢係內地水務龍頭之一、市值高達140億元人幣的北京首創股份（滬:600008）之全資附屬公司，而北京首創喺度，市場都視啟帆為北京首創的海外上市旗艦，具濃厚注資憧憬。
5. 早前，啟帆落實收購遼寧省葫蘆島市污水處理廠，並承諾擴大污水處理項目，由目前每日7萬噸擴大至12萬噸，而污水處理費亦會由現時之每噸0.7元人民幣，增加至每噸0.97元人民幣。睇來，啟帆開始施展大變身啦，未來股價有排升。
6. 技術走勢上, 啟帆本周三收報0.65元, 相信周內會突破52周高位0.67元,以量度升幅計,有力上試0.9至1元水平.
沒有留言:
發佈留言